AYİB Azərbaycanda mühəndislik və istehsal şirkəti olan GemZA Qrupa dəstək göstərir

By Olga Rosca
@olgarosca

Share this page:

Read in English

  • Azərbaycanın aparıcı mühəndislik, satınalma və istehsal şirkətlərindən biri olan GemZA Qrupa AYİB tərəfindən 8 milyon avro məbləğində kredit ayrılır
  • Kredit yeni istehsal müəssisəsinin və dövriyyə vəsaitinin maliyyələşdirilməsi üçün istifadə olunacaq
  • Bu maliyyələşdirmə AYİB-in Qafqazda biznesin inkişafına dəstək məqsədilə gördüyü işlərin bir hissəsidir

Avropa Yenidənqurma və İnkişaf Bankı (AYİB) əsasən nasos və klapan kimi avadanlıqlar üzrə mühəndislik, satınalma və təmir xidmətləri göstərən Azərbaycan şirkəti GemZA Qrup MMC-yə 8 milyon avro məbləğində kredit ayırır.

Bu kredit şirkətin daha mürəkkəb təmir işlərini həyata keçirmək, daha geniş çeşidldə ehtiyat hissələri istehsal etmək, habelə xərcləri və təhvil vaxtını optimallaşdırmaq üçün yeni istehsal müəssisəsini istifadəyə verməyə imkan yaracaq. Kredit Qrupun bir sıra dövriyyə vəsaiti ehtiyaclarını da maliyyələşdirəcəkdir.

AYİB-in dəstəyi ilə GemZA Qrup istehsal imkanlarını genişləndirmək, göstərdiyi xidmətlərin çeşidini artırmaq, habelə qiymət və keyfiyyətdə daha rəqabətqabiliyyətli olmağı hədəfləyir. Daha böyük maliyyə çevikliyi sayəsində şirkət həmçinin daha cəlbedici şərtlərlə mal və xidmətlər təklif edə və müştəri bazasını genişləndirə biləcək.

GemZA Qrup 2005-ci ildən fəaliyyət göstərir və Azərbaycan, Şərqi Avropa, Mərkəzi Asiya, Türkiyə və BƏƏ-dəki müştərilərinə xidmət göstərir.

AYİB-in şirkətə maliyyə vəsaiti ayırması Bankın kiçik və orta sahibkarların əməliyyat və standartlarını təkmilləşdirməsi istiqamətində Qafqazda kiçik və orta sahibkarlara göstərdiyi dəstəyin bir hissəsidir.

AYİB Azərbaycanda aparıcı institusional investordur. Bank bügunədək ölkədə 177 layihəyə ümumilikdə 3,2 milyard avro investisiya yatırmışdır.

Share this page: